Isisebenzi sakwaSabc siphunyuke sibanjwa inkunzi ngumshayeli we-Uber eThekwini
Isisebenzi se-South African Broadcasting Corporation (SABC) sixhumane neReaction Unit South Africa (RUSA) ngoMgqibelo ntambama ngo-17:47 sibika ukuthi siphunyuke emotweni ye-Uber ngemuva kokuba umshayeli ezama ukumthumba.
Isisebenzi sakwaSabc sithwebule isithombe semoto ngesikhathi ebaleka. Umshayeli ubezimise eShell Service Station kuFlorida Road eThekwini ngezizathu ezingaziwa. Ngokushesha wathinta i-RUSA Operations Centre enikeza imininingwane yomshayeli we-Uber obezama ukumthumba nokumbamba inkunzi.
Lapho kuxoxwa naye, lowesilisa wachaza ukuthi wayegibele i-Uber eNorth Beach elibangise eWindermere ngeMcDonalds Drive. Uqhube wathi umshayeli waqala ukujikijela inhlamba wabe esevala izicabha emotweni emsabisa ngokuthi uzomyisa endaweni esithekile nokuthi abanye abashayeli be-Uber bamlimaze.
Ngokusho kwesisulu wabe esegetshengwa imali engu-R500 wabe eseyiswa kuFlorida Road, eThekwini. Kuthe uma imoto ima wakwazi ukuvula umnyango wabaleka.
Uphenyo luyaqhubeka.
Average Rating