Iphoyisa lidlwengule owesifazane obebuza ukuthi udayiswa kuphi ubhiya

I-Independent Police Investigative Directorate (IPID) ikuqinisekisile ukuthi ilungu leSouth African Police Services (SAPS), elineminyaka engu-31 ubudala, liboshwe ngemuva kokudlwengula owesifazane oneminyaka 35 ubudala, emzini walo.

Iphoyisa lisebenza esiteshini samaphoyisa ePaarl eWestern Cape.

Ngokwe-IPID isigameko sokudlwengula senzeke ngeSonto ebusuku zingu-30 kuJuni 2024.

Okhulumela i-IPID uPhaladi Shuping, uthe iphoyisa lihlangane nowesifazane nomngani wakhe ngesikhathi ephuma emsebenzini ngabo-01h00 ekuseni. Owesifazane wayehamba nomngane lapho befuna indawo yokuthenga obhiya. Iphoyisa lathi lizobasiza, labathengela obhiya ababili, labanikeza umuzi walo ukuze baphuze ndawonye. Lona wesifazane nomngani wakhe bebelethemba iphoyisa, futhi abazange basole lutho ngesikhathi beya emzini walo.

UShuping uthe “bamcela indawo edayisa ubhiya. Bangena bonke emzini othize iphoyisa lathenga obhiya ababili lacela ukuba ummangali nomngani wakhe wesilisa beze kwakhe. Bathe befika endlini baphuza. ubhiya, nomngani wesilisa ngokuhamba kwesikhathi wazumeka esofeni kusolakala ukuthi iphoyisa lashaya ummangali, lambeka ummese entanyeni lamdlwengula. Lo wesifazane watshela abehamba naye besilisa base beya esiteshini samaphoyisa beyovula icala. Amaphoyisa abe eseboshwa ngokuhamba kwesikhathi.

Igama lowesifazane ligodliwe. UShuping uthi iphoyisa livele eNkantolo yeMantshi yasePaarl ngoLwesibili. Icala lakhe lahlehliswa ukuze kulalelwe ibheyili.

About Post Author

Admin

https://www.ezendawo.co.za

Happy

0 0 %

Sad

0 0 %

Excited

0 0 %

Sleepy

0 0 %

Angry

1 100 %

Surprise

0 0 %