Kushone ingane enezinyanga ezimbili engozini yetekisi eyenzeke eLibode, e-Eastern Cape.
Read Time:24 Second
Kushone abantu abahlanu engozini yemoto eyenzeke eLibode esifundazweni i-Eastern Cape. Okhulumela uMnyango wezeMigwaqo esifundazweni u-Unathi Binqose uthi itekisi iQuantum ibisuka eMthatha ilibangise eMajola ngesikhathi igingqika emgwaqeni oyibhuqu ngesikhathi idlula esigodini saseMgwenyane eLibode.
Kusho uBinqose kuzwakale ukuthi umshayeli uhlulekile ukulawula imoto.
Kulimale abantu abayishumi nambili . Nokho, kwabashonile kukhona ubaba nomama okusolwa ukuthi bashadile, izingane ezimbili, encane inezinyanga ezimbili kanti ugogo ulinganiselwa eminyakeni engamashumi ayisikhombisa . Ugogo ushone efika esibhedlela iBarnabas eNtlaza. Abathathu kwabasindile bathole imihuzuko emibi kwathi abayisishiyagalolunye okuhlanganisa nomshayeli baphunyuka benemihuzukwana.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating