Kudutshulwe kwabulawa umfundisi ngemva komkhuleko

Ekupheleni kwaleli sonto uMfundisi uBulelani Magadla ushiye ibandla lakhe okuyi-Apostolic Faith Mission elisesigodini saseZibungu eLibode ehamba nomkakhe nelinye ilungu lebandla.

Kuzwakala sengathi sekunesikhathi kukhona ukungezwani kuleli bandla. Kukhona abalandeli bakaMfundisi uMagadla, kanti kukhona nohlangothi olungathandi ukubona lomfundisi esontweni elilodwa. Alikho ilungu elifuna ukwenaba ngokungaboni ngaso linye futhi umndeni wawungafuni ngisho ukukhuluma nabezindaba.

Ngesikhathi eqeda ukukhuleka ngoLwesine ntambama, uMfundisi Magadla wathatha imoto yakhe elibangise eKuyasa eMthatha. Emgwaqeni iveni yabalandela. Lapho ibafica, yabamba amabhuleki yaphelela phambi komfundisi. Into eyamphoqa ukuthi ame naye ebumnyameni. Kwakunamadoda amabili evenini, aqonde kumfundisi. Wazama ukukhuluma nabo ebancenga kodwa bamdonsela ngaphandle bamdubula umzimba wonke.

USiphokazi Mawisa okhulumela amaphoyisa esifundazweni ukuqinisekisile lokhu: “Yebo, kudutshulwe owesilisa oneminyaka engu-65 eMgwenyane. Akekho osaboshiwe kulesi sigameko.”

Lo mfundisi ubeneminyaka engu-65 ubudala futhi ube ngumfundisi waleli bandla kusukela ngo-1988. Ushiye unkosikazi, izingane ezintathu nabazukulu ababili.

Uzobekwa endlini yakhe yokugcina ngoLwesihlanu.

About Post Author

Admin

https://www.ezendawo.co.za

Happy

0 0 %

Sad

3 100 %

Excited

0 0 %

Sleepy

0 0 %

Angry

0 0 %

Surprise

0 0 %