Kudutshulwe kwabulawa owesilisa emzini wenyanga ngesikhathi eyohlola KwaMashu
Read Time:30 Second
Isigameko esibi senzeke KwaMashu, eThekwini, ngoLwesithathu ekuseni, kwashona oyedwa kwalimala omunye.
USphamandla Dube oneminyaka 27 ubudala nomngani wakhe bebevakashela inyanga beyohlola kodwa kwagcina kuchitheke igazi.
Bathe besalinde emzini wenyanga kwaqhamuka oshayasibhamu badubula bavulela ngenhlamvu, uSphamandla washonela khona lapho. Umngani wakhe ukwazile ukubaleka enenxeba lokudutshulwa ehlombe. Umelaphi wendabuko okade enakekela esinye isiguli, usale ethuthumela ngenxa yalolu dlame olube khona kungazelelwe.
Esambulweni esihlasimulisa umzimba, inyanga yadalula ukuthi yaxwayisa uSphamandla ngengozi ezayo, yamcebisa ukuba enze umsebenzi ukuze agweme isiphetho esibi. Nokho uSphamandla ubengasilaleli isixwayiso, manje impilo yakhe isinqamukile.
Amaphoyisa aKwaZulu-Natal aseqale uphenyo mayelana necala lokubulala nelokuzama ukubulala, kodwa imbangela yokudubula ibingakaziwa.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %
0
0
News are credibly