Amaphoyisa athungatha abadubule babulala unogada waseNyuvesi yaseZululand
Read Time:29 Second
Amaphoyisa aphume umkhankaso wokuthungatha abasolwa abadubule babulala unogada walesi sikhungo esihlala abafundi baseNyuvesi yaseZululand eMhlathuze.
Kukholakala ukuthi abahlaseli abathathu abebegqoke ama-balaclava bagasele emakotishi ngoLwesihlanu ebusuku.
Bathathe amalaptop abafundi ababili nomakhalekhukhwini kwelinye lamakamelo ngaphambi kokudlulela kwelinye bathathe ucingo lomunye umfundi.
Okhulumela amaphoyisa esifundazweni uRobert Netshiunda uthe abasolwa abaziwa okwamanje.
“Amaphoyisa aseMthunzini aphenya amacala okubulala nelokugebenga kwemizi kulandela isigameko sokudutshulwa kubulawe umlindi wasekotishi endaweni yaseMhlathuze ngoLwesihlanu ebusuku.
“Ngemuva kokuba abasolwa bebaleke endaweni yesigameko, kuthiwa abashonile baye ekamelweni likanozinti beyobika ngesigameko, bamthola edindilizile edamini legazi enenxeba lokudutshulwa.
Khonamanjalo, inyuvesi isimise ukufunda ngenxa yombhikisho owenzeka ophikweni lwaseDlangezwa ngoMsombuluko ekuseni.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating